Libro encuadernado en rústica de 120 páginas en blanco y negro más cubiertas. Edición no venal
Promoción editorial:
A Deputación, a través do Departamento de Memoria Histórica, acaba de editar o seu segundo libro de banda deseñada para achegarlle á xente moza o relato dos feitos que aconteceron durante os anos da ditadura e da represión franquista.
A nova obra, titulada As 9 cruces, conta a historia da resistencia e do asasinato de 9 homes na curva de Baredo, desde entón coñecida como A Volta dos Nove.
A novela gráfica está coordinada polo debuxante Kiko da Silva, co guión de Fernando Llor e os debuxos de Fonso Barreiro, Zaida Novoa, Pablo Prado, Damián Gómez Figueiras, Andrés Chinchilla, Antonio Recuna, Miguel Rojo, Mara Méndez, Daniel Corrada, Jorge Fernández, Álex Rozazos e Miriam Iglesias.
Desde o día da presentación da banda deseñada en Baiona o 14 de outubro, un día antes de que se conmemore a efeméride do asasinato, cada venres colgarase na Web de Memoria Histórica da Deputación un capítulo da historia.
No mes de decembro entregarase o exemplar completo nas bibliotecas, nos puntos de lectura municipais e nos centros de ensino da provincia.
