Información de la editorial:
Libro de historietas encuadernado en rústica de 368 páginas interiores en color más cubiertas con solapas que contiene una historia autoconclusiva.
Valentziako herri txiki batean bizi da Miquel, eta badu zoriontsu izateko behar duena: maite duen familia eta inguruko umeen estimua ekarri dion banatzaile lanpostua litxarreria denda batean. Baina Miquelek amets bat du. Idazle izan nahi du. Sinetsita dago ezin dela idatzi bizitza zirraragarria izan ezean, eta bizimodua aldatzea erabakitzen du; estatuaren zerbitzuko bizkartzaina izateko aurkezten du bere burua. Lehen lanpostuak Euskal Herrira eramango du, non hautetsiek etengabeko zaintza behar duten. Hala, larritasuna, asperdura eta laguntasuna nahasten dituen bizimodu berriari ekingo dio. Harik eta dena azpikoz gora jarriko den arte...
Mark Bellido gidoigilearen esperientziaren emaitza da Salto, ETAren berunezko urteetan bizkartzain jardun baitzuen, eta Judith Vanistendael belgikarrak ekarri du marrazkitara. “Askatasunaz idatzi nahi nuen. Askatasunaz, hitz larritan; edo, hobeto esanda, askatasun faltaz. Ez dakidanez kontatzen nik neuk bizi izan ez dudan zerbait, lau urte eman nituen Euskal Herrian, bizkartzain lanetan, ETAk mehatxatutako politikariak zaintzen, han kokatu nahi bainuen kontakizuna. Askatasuna ez ezik, izena bera ere galdu nuen han”, azaldu zion Bellidok Enriqueta de la Cruzi, Crónica Popular astekarian.
