· 20-IV-2003
DAVID RUBÍN, FAUSTO, GOCHI, JACOBO FERNANDEZ, KIKO DA SILVA, LEANDRO, MEIXIDE, NORBERTO FERNÁNDEZ, PINTO Y CHINTO, X. MARÍNEdición en gallego.
Cuaderno encolado con 12 páginas en color. Suplemento de historietas dirigido por Miguel Vázquez Freire, redacción de Isabel Soto, y con edición y dirección artística de Fausto C. Isorna. Rescate de la cabecera homónima, antes revista independiente y ahora editada como suplemento de historietas del diario La Voz de Galicia desde mayo de 2002.
Contuvo una nueva entrega del concurso patrocinado por el programa Xabarín Club del canal TVG. Consistiendo el premio en una camiseta del Xabarín Club.
Sección Cartas ó Director:
Ola, lectores e lectoras: Por fin xa van chegando felcicitacións xeitosiñas para o noso aniversario. Pero queremos máis, moito máis. Debuxos, poesías, fotografías adicadas, qué sei eu. Queremos, sobre todo, que lle botedes imaxinación. Moita imaxinación. Para que o noso Golfiño non poida esquecer nunca odía do noso aniversario. Un "primeiro" aniversario "segundo", sí, xa o sabemos. Pero é a ventaxe que teñen os personaxes de papel, que lles poden ocorrer cousas como esta. Celebrou un aniversario nunha casa, e agora celébrao na nova casa, a súa xa definitiva. Lembrade: na Semana das Letras fará un ano que Golfiño comezou a navegar neste gran pailebote que é La Voz de Galicia. Se queres que as túas palabras ou os teus debuxos o acompañen nese momento memorable, ¡mándanos xa a túa felicitación!
Hai xa un tempo que teño enriba da mesa unha carta ben longa e moi ben escrita que non dou atopado modo de publicala nesta sección. Dáme mágoa recortala porque merecería ser reproducida enteira, por iso a fun deixando, porque sempre me parecía que o espacio dispoñible me obrigaba a acurtala demasiado. Hoxe decidín adicarlle o máximo espacio posible. Comeza cunha presentación: "o meu nome é Rebeca, teño 20 anos e son de Vigo. Desde hai bastante tempo, na miña casa mércase a vosa revista aínda que eu a descubrín hai ben pouco. Hai unhas semanas fun a encargada de mercarlla ó meu irmán, afeccionado ós cómics, e entón boteille un ollo. Non me imaxinaba que me ía enganchar de esa maneira, xa estou desexando que chegue o próximo venres para mercala." Ben, Rebeca, supoño que a estas alturas xa sabes que saímos o domingo e que non necesitas pagar nada por riba do prezo normal do periódico dese día.
Logo anúncianos que nos ten preparada unha parte "doce" e outra "agria", e decídese a comezar pola parte boa. "Paréceme un labor moi bo o que facedes, deixando que os novos talentos da nosa terra poidan amosar a súa arte ó mundo. Xa se botaba en falta alguén que apostase pola mocidade galega predestinada a emigrar por non poder desenvolverse aquí." E de contado pasa a analizar polo miúdo "o contido das viñetas". "A que máis me gusta, sen dubida, é O Castelo Regadeira. Teño que recoñecer que o primeriro non me parecía nada ben a imaxe que daba a prota, parecía un maniquí que se adicaba a pasear en bragas dun lado cara outro. Pero despois de me parar a ler soamente unha vez, xa cambiei de opinión, polo que teño que felicitar ó seu autor por saber transmitir o seu enxeño, humor e sutileza á súa filla." Atrás de Castelo Regadeira, destaca Perçy e Marionetti, Palleiro, e Kike e Berto: "Son boísimos e sempre me fan amosar un sorriso. Os debuxos son moi chulos, sobre todo os de Kike e Berto. ¡He, he!, só recordalos xa me pega a risa."
E despois das gabanzas vén a "puñalada", coma ela a chama. "Non me parece nada ben que sempre ocupen a maioría do espacio os mesmos: Kiko da Silva, Miguelanxo Prado, Fausto... non só dispoñen de moito máis espacio para crear historias máis longas, senón que se lles permite máis publicidade que outros que aparecen de cando en vez e que tamén teñen moito talento." E pon o exemplo de Lorena e María. "Espero que ambas as dúas non deixasen de aparecer por deixar isto do cómic, de corazón desexo que non sexa así." Como puideches comprobar pola súa presencia en números posteriores, non hai desaparición. Rebeca salienta que "eu, coma moza que son, quero apoiar as mozas artistas que son gran minoría, tanto nesta como noutras publicacións." Xa sabes que estamos de acordo contigo e mesmo María tivo xa o seu espacio na nosa sección Os Nosos Artistas, onde tamén esperamos recibir moi pronto a Lorena.
Rebeca defende moi ben os méritos destas dúas autoras. "Considero as historias de María dunha orixinalidade abraiante, os debuxos amosan unha dozura incríble. Ademáis, se temos en conta que o Golfiño é unha revista para todas as idades, esta historia é das poucas que encaixan co gusto dos máis pequechos." En canto a Lorena, "sei que hai moita xente que non se decanta polo estilo manga, di Rebeca, pero igual que esa opinión é respectable tamén o é a miña e a da xente que , coma min, lle gusta. Os debuxos de Lorena son preciosos, os detalles, as cores... realmente gústame moito."
E conclúe a súa carta suxerindo "a posibilidade de contactar con artistas vía carta ou e-mail." Ningún problema. Non tendes máis que dicilo nas vosas cartas ou mensaxes e nós, desde aquí, as faremos chegar ós vosos artistas favoritos. Agardámosvos a próxima semana. Cada domingo, no teu quiosco. ¡Ata logo!
Desglose de contenidos.
0
0
